ډېر راټولېدونکي اوبه او سېلابونه د خلکو په ځانګړي توګه د ماشومانو، ښځو، عمرلونکو کسانو، او ځوانانو د ډوبېدو جدي خطر رامنځته کوي. په افغانستان کې اوبو کې له څار پرته په اوبو کې لامبو وهل دا خطر زیاتوي، او د کلني سېلابونو او په خطرناکو سمندرونو کې مهاجرت دغه خطر نور هم زیاتوي. پر دې پوهېدل چې څنګه یو ډوبېدونکي شخص ژغورلای شئ، دا د ژوند ژغورلو او د سېلابونو اغیز کمولو لپاره خورا مهم دی. دا لارښود مهمې ستراتیژۍ او د خوندیتوب لارښوونې وړاندې کوي څو تاسو په بېړنیو حالاتو کې نور خلک وژغورئ.
څنګه یو ډوبېدونکي کس وژغورئ؟
که تاسو یو څوک وموند چې د ډوبېدو په حال کې دی، لاندې ګامونه تعقیب کړئ څو په خوندي ډول یې وژغورئ:
- یو لرګی وکاروئ: یوه اوږده لرګی ومومئ، د اوبو ژوروالی وګورئ، په احتیاط سره هغه کس ته ورشئ، او د هغه لرګی بل سره ډوبېدونکي کس ته ورکړئ چې دوی یې ونیسي.
- رسۍ وکاروئ: د رسۍ یوه سر ډوب کېدونکي کس ته وغورځوئ او ورو ورو یې کش کړئ.
- یو بادي وسیله چمتو کړئ: هغه کس ته په اوبو کې د ژوند ژغورلو جاکټ، خالي بوتلونه، یا د سپورټ غټ توپ ورکړئ څو د اوبو په سر کې د دوی پاتې کېدو کې مرسته وکړي.
- کوچنۍ کښتۍ وکاروئ: د کوچنی کښتۍ که شتون ولري یا د یو بادي ټیوب څخه کار واخلئ څو ډوبېدونکي کس ته ورسېږئ او کس وژغورئ.
- له شا څخه تګ: اوبو ته دننه شئ او له شا څخه ډوبېدونکي کس ته ورشئ څو د اوبو لاندې کېدو څخه مخنیوی وکړئ. دوی په ټینګه ونیسئ او بېرته خوندي لوري ته لامبو ووهئ. که چېرې یو کس ډوب شوی وي، ښکته شئ، د بغلونو لاندې یې ونیسئ، او د اوبو سطحې ته یې راوړئ. هر هغه وسیله لکه د وېښتو نیولو څخه کار واخلئ څو ډوبېدونکي کس د اوبو سطحې ته یې کش کړئ.
- ډوبېدونکی کس له اوبو څخه وباسئ: همدا چې ډوبېدونکي کس مو د اوبو سطحې ته راوست، بیا وچکې ځمکي په لور حرکت وکړئ، د شخص سر له اوبو پورته وساتئ، او ژر تر ژره یې د لومړنۍ مرستې لپاره وباسئ.
پایله
د سېلابونو په وخت کې د ډوبېدونکو کسانو د ژغورلو پوهه د دې ډول پېښو د شدت کمولو لپاره خورا مهمه ده. د دې خوندیتوب تدابیرو او ژغورنې تخنیکونو سره سم عمل کول تاسو ته په بېړنیو حالاتو کې د پام وړ اغیز کولو فرصت برابروي. تل دا پوهه ولرئ، دا مهارتونو تمرین کړئ، او د سیلابونو په وخت کې د چټک او موثر عمل لپاره چمتو اوسئ. ستاسو چمتووالی او ژر عمل کولی شي د ژوند ژغورنې پړاو کې لوی توپیر رامنځته کړي.
د "وپوښتئ" له کارپوهانو څخه د مرستې غوښتنه
هغه افغانان چې ځانګړو معلوماتو ته اړتیا لري، د "وپوښتئ" د معلوماتو مرکز ستاسو په خدمت کې دی. تاسو کولای شئ په انلاین بڼه د معلوماتو ترلاسه کولو لپاره د وپوښتئ "واټساپ شمېرې" (93729807235+)، فېسبوک مسېنجر (Facebook Messenger) یا د وېبپاڼې د چټباټ له لارې زموږ کارپوهانو سره اړیکه ونیسئ!
نور معلومات
هغه کسان چې په ټوله نړۍ کې د افغانانو لپاره د کډوالۍ، بیامېشتېدنې، ښوونیزو او لوړې زده کړې د پروګرامونو او د نورو بېلابېلو فرصتونو په اړه د لا ډېرو معلوماتو په لټه کې دي، او همدارنګه په افغانستان کې له نړیوالو سازمانونو څخه د بشردوستانه خدمتونو د معلوماتو او دولتي ادارو څخه د مدني اسنادو د اخیستلو د پړاوونو د پوهېدو په لټه کې دي، د "وپوښتئ" وېبپاڼې او ټولنیزو رسنیو ته مراجعه وکړي:
• ایکس (X) یا ټویټر (@beporsed)
• مسنېجر یا Messenger (@beporsed)
• د وپوښتئ وېبپاڼه (www.beporsed.org)