دا لارښود په SIV پروګرام کې د کار تصدیق کولو لپاره د سوی یا ربېټ پروژې (Rabbit Project) په اړه دی چې د متداولو پوښتنو یا په مکرر ډول پوښتل شويو پوښتنو (Frequently Asked Questions – FAQ) په بڼه ترتیب شوی دی. په دې لارښود کې موږ د ربېټ پروژې پورې اړوند د هغو کسانو لپاره چې په دې برخه کې له ځینو پېچلتیاوو سره مخ دي، د لا وضاحت ورکولو په موخه شته پوښتنو او اندېښنو ته معلومات وړاندې شوي. د دې لارښود معلومات له بېلابېلو سرچینو څخه د "وپوښتئ" ټیم د درک په پایله کې لیکل شوي دي، په دې توګه دا لارښود د حقوقي مشورې په توګه په پام کې مه نیسي. دا لارښود د ۲۰۲۴ کال د فبرورۍ په ۵مه نېټه اپډېټ شوی دی. د قانوني لارښوونې او مشورې لپاره، موږ وړاندیز کوو چې تاسو له رسمي سرچینو سره مشوره وکړئ. Rabbit Project داسې پروګرام دی چې د افغان کډوالۍ ځانګړې ویزې (SIV) غوښتونکو سره د مرستې لپاره ډیزاین شوی څو هغوي د پخوانیو کارګمارونکو څخه د کار تصدیق اسنادو په ترلاسه کولو کې ستونزې ونه لري.
نو په دې لارښود کې موږ به په SIV پروګرام کې د کار ګمارنې تایید لپاره د ربېټ پروژې پورې اړوند اساسي پوښتنې ځواب کړو او همدارنګه، د دې اړینو معلوماتو او ملاتړ په چمتو کولو سره به خلک د بیامېشتېدنې او کډوالی په سفر کې ځواکمن کړو.
د ربېټ پروژه (Project Rabbit) څه شی دی او ایا دا د SIV غوښتونکو لپاره اړین دی؟
د سوی یا ربېټ پروژه (Project Rabbit) یو پروګرام دی چې د کډوالۍ ځانګړې ویزې (SIV) غوښتونکو سره د مرستې لپاره ډیزاین شوی چې د پخوانیو امرانو څخه د کار یا د کار تصدیق اسنادو په ترلاسه کولو کې ستونزې لري. دا سازمان د دفاع وزارت (Department of Defense – DoD) قراردادیانو سره همکاري کوي څو د بشري سرچینو معلومات او د گمارنې ریکارډونه د SIV په پروګرام کې د بهرنیو چارو وزارت (Department of State – DoS) ته چمتو شوي معلوماتو سره یو ډول کړي. د دې نوښت موخه د SIV غوښتونکو لپاره د ماموریت رییس د تایید اخیستلو پروسې ساده کول دي چې د ګډون کونکو کارمندانو لپاره کار کوي.
د ربېټ پروژه (Project Rabbit) کې ګډون د کار ګمارونکو لپاره داوطلبانه دی او دا مهال د دفاع وزارت یوازینۍ د متحده ایالاتو دولتي اداره ده چې په دې پروژه کې برخه اخلي. دا برنامه اساساً په امریکایي او اروپایي کارمندانو تمرکز کوي. که چېرې د غوښتونکي پخوانی کارمند اوس مهال د خرگوش یا ربېټ په پروژه کې برخه وانخلي، نو هڅه به وشي چې د ګمارونکي سره اړیکه ونیول شي او د دوی ګډون لپاره یی لاره هواره شي.
په داسې حال کې چې ربېټ پروژې د کارموندنې اسنادو تصدیق کې مرسته کوي، د دې کارول د افغان SIV غوښتونکو لپاره لازمي نه دي. په هرصورت، هغه غوښتونکي چې د دفاع وزارت قراردادیانو لخوا ګمارل شوي چې د اسنادو په ترلاسه کولو کې ننګونې لرې کولاۍ شی د ربېټ پروژې خدمتونه وکاروي. د افغان SIV غوښتنکي او ګډون کونکو ګمارونکو لپاره تفصيلي لارښوونې د دفاع وزارت لخوا چمتو شوي څو د معلوماتو تصدیق پروسه اسانه کړي.
د ربېټ پروژې (Project Rabbit) د SIV کومې ننګونې حل کوي؟
د ربېټ پروژې (Project Rabbit) د هغه ننګونې لپاره رامنځته شوې چې د افغان کډوالۍ ځانګړې ویزې (SIV) غوښتونکي د خپلو پخوانیو کارګمارونکو موندلو یا هغوي سره د تماس نیولو کې ورسره مخ دي څو اړین اسناد ترلاسه کړي لکه د دندې تصدیق لیکونه او د سپارښتنې لیکونه.
د SIV ډېری غوښتونکي د دې لازمي اسنادو ترلاسه کولو لپاره چې د ویزې غوښتنلیک پروسې برخې په توګه اړین دي مبارزه کوي. ربېټ پروژه یا Project Rabbit د دفاع وزارت (Department of Defense – DoD) برخه اخیستونکو قراردادیانو سره کار کوي څو د قراردادیانو لخوا چمتو شوي بشري منابع (HR) او د گمارنې ریکارډونو سره د بهرنیو چارو وزارت ته د SIV غوښتنلیکونو کې چمتو شوي معلومات چمتو کړي.
د دې تشې په ډکولو سره، ربېټ پروژه اراده لري چې د افغان SIV غوښتونکو لپاره د غوښتنلیک پروسه ساده کړي او په بریالیتوب سره د اړینو اسنادو د ترلاسه کولو چانس زیات کړي. د دې هڅو سره سره، دا مهمه ده یادونه وکړو چې د معیاري ویزې غوښتنلیک پروسه په خپل ځای پاتې ده او غوښتونکي لاهم هڅول کېږي چې د ویزې ملي مرکز (NVC) لخوا بیان شوي نورمال طرزالعملونه تعقیب کړي.
په دې پوه شئ چې ربېټ پروژه د اضافي سرچینې په توګه کار کوي څو له غوښتونکو سره مرسته وکړي چې د گمارنې اسنادو ترلاسه کولو پورې اړوند ننګونو باندې بریالي شي.
آیا ربېټ پروژه (Project Rabbit) د دفاع وزارت قراردادیانو لخوا ګمارل شوي ټولو افغان SIV غوښتونکو سره مرسته کولی شي؟
ربېټ پروژه د افغان کډوالۍ ځانګړې ویزې (SIV) هغو غوښتونکو سره د مرستې لپاره وقف شوې چې د دفاع وزارت (Department of Defense – DoD) قراردادیانو لخوا ګمارل شوي. په هرصورت، دا مهمه ده په یاد ولرئ چې د ربېټ پروژې مرستې د هغو غوښتونکو پورې محدود دي چې کارمندان یې اوس مهال په پروژه کې برخه اخلي.
که چېرې غوښتونکي د دفاع وزارت یو قراردادي لپاره کار کړی وي چې اوس مهال په ربېټ پروژې کې ښکېل نه وي، نو هڅه به وشي چې د ګمارونکي سره اړیکه ونیول شي او دوی ګډون ته وهڅول شي. دا مهمه ده پوه شو چې په ربېټ پروژه کې د کار ګمارونکي ګډون داوطلبانه دی او د دفاع وزارت ټول قراردادیان ممن په کې ګډون ونه کړي.
له همدې امله، په داسې حال کې چې د ربېټ پروژه هڅه کوي څو د امکان تر حده د افغان SIV غوښتونکو سره مرسته وکړي، د هغې ساحه ممکن د ګمارونکي ګډون پورې محدوده وي. د دې محدودیتونو سره سره، ربېټ پروژه د افغان SIV غوښتونکو لپاره د استخدام تایید پروسې اسانه کولو ته ژمن دی او د ګډون کونکو کارمندانو سره د ښکېلتیا او د غوښتنلیک پروسې ساده کولو لپاره سخت کار کوي.
ایا د دفاع وزارت څخه بهر نورې ادارې/دفترونه هم د ربېټ پروژه (Project Rabbit) څخه کار اخلي؟
اوس مهال، د ربېټ پروژه (Project Rabbit) په ځانګړې توګه د دفاع وزارت (Department of Defense – DoD) لخوا د افغان کډوالۍ ځانګړې ویزې (SIV) غوښتونکو سره د مرستې لپاره کارول کېږي. په داسې حال کې چې ربېټ پروژه د افغان SIV غوښتونکو لپاره د ارزښت وړ سرچینې په توګه کار کوي چې د دفاع وزارت قراردادیانو لخوا ګمارل شوي، دا باید په پام کې ونیول شي چې اوس مهال د متحده ایالاتو نورې دولتي ادارې په دي پروژه کې ښکېل نه دي.
له همدې امله، د SIV هغه افغان غوښتونکي چې د دفاع وزارت څخه بهر د ادارو یا دفترونو په ملاتړ کې کار کړي وی باید د غوښتنلیک معیاري طرزالعملونه چې د بهرنیو چارو وزارت لخوا بیان شوي تعقیب کړي. دا غوښتونکي باید د بهرنیو چارو وزارت لخوا چمتو شوي لارښوونې تعقیب کړي او خپل غوښتنلیکونه د عادي چینلونو له لارې وسپاري.
بیا د هغه پر اساس د ویزې ملي مرکز (NVC) د دوی د غوښتنلیکونه بیاکتنه او ارزونه کوي. په داسې حال کې چې د Project Rabbit د دفاع وزارت د قراردادیانو لخوا ګمارل شوي افغان SIV غوښتونکو ته ارزښتناکه مرسته چمتو کوي، دا د نورو دولتي ادارو سره تړلي غوښتونکو لپاره مهمه ده چې د غوښتنلیک پروسه په سمه توګه تعقیب کړي څو ډاډ ترلاسه شي چې د دوی غوښتنلیکونه په سمه توګه ترلاسه او وارزول شوي.
د دفاع وزارت قراردادیانو لخوا ګمارل شوي افغان SIV غوښتونکي څنګه د ربېټ پروژه (Project Rabbit) کاروي؟
د دفاع وزارت (Department of Defense – DoD) قراردادیانو لخوا ګمارل شوي افغان SIV غوښتونکي کولی شي د Project Rabbit څخه کار واخلي څو د استخدام تصویب ترلاسه کولو کې مرسته وکړي. د کډوالۍ ځانګړې ویزې (SIV) لپاره د اړتیا وړ غوښتنلیک فورمو په ډکولو او د امکان تر حده د ډېرو اسنادو په شمول د DS-157 فورمه، د تابعیت اسناد، پاسپورټ او د کارمند شناخت کارت (Badge number) یوه کاپي د چمتو کولو سره غوښتنه وکړئ. که چېرې غوښتونکی دمخه د کار تصدیق لیک یا د سپارښتنې لیک ولري، نو هغه باید په خپل غوښتنلیک کې ذکر کړي. که دا اسناد شتون ونه لري بیا هم باید دوی خپل غوښتنلیک وسپاري.
د بهرنیو چارو وزارت څخه د NVCSIVقضیې شمېرې ته انتظار وکړئ. ربېټ پروژه یا Project Rabbit په اوتومات ډول د بهرنیو چارو وزارت له ډیټابیس (Database) څخه فعال SIV قضیه پیدا کوي. یوځل چې قضیه فعاله وګڼل شي، د Project Rabbit دا د ګمارونکي په اساس فیلټر کوي څو د دفاع وزارت قراردادونو پورې اړوند اشخاص وپېژندل شي. په دې پړاو کې د غوښتونکي څخه هېڅ کوم بل اقدام ته اړتیا نشته.
Project Rabbit د کار تصدیق کولو لپاره برخه اخیستونکو امرانو ته د SIV فعال قضیه لېږي. برخه اخیستونکي امران هڅه کوي چې د SIV غوښتنلیک کې معلومات د بشري سرچینو معلوماتو او د گمارنې ریکارډونو سره د تصویب پروسې بشپړولو لپاره مطابقت ورکړي.
Project Rabbit د ګمارنې تصدیق معلومات بهرنیو چارو وزارت ته لېږي، کوم چې د غوښتنلیک ورکوونکي او نورو سرچینو څخه ترلاسه شوي اضافي معلوماتو سره یوځای کوي څو د نور پروسس لپاره د SIV غوښتنلیک وړتیا وټاکي.
په یاد ولرئ چې دا پروژه کومه ځانګړې پروسه نه لري، په ساده ډول، د SIV افغان غوښتونکي کولی شي د ربېټ پروژې څخه کار واخلي څو د کار د تایید پروسه ساده کړي او د ویزې غوښتنلیک د بریاليتوب امکانات دېر کړي.
آیا ربېټ پروژه (Project Rabbit) کولی شي د افغان SIV په پروسه کې نور ګامونه ګړندي کړي یا بېړنۍ مرستې چمتو کړي؟
نه د خرګوش یا ربېټ پروژې (Project Rabbit) ساحه د ماموریت مشر (COM) تصویب غوښتنې سره د گمارنې تصدیق کی د مرستې پورې محدوده ده، کوم چې د SIV غوښتنلیک پروسې لومړی ګام دی. په داسې حال کې چې د ربېټ پروژه کولی شي د برخه اخیستونکو امرانو سره کار کولو د تصویب پروسه ساده کړي، نشي کولی د غوښتنلیک پروسې کې نورې مرحلې ګړندۍ کړي یا بېړنۍ مرستې چمتو کړي.
دا مهمه ده په یاد ولرئ چې د Project Rabbit رول د گمارنې د توضیحاتو تایید کول دي او د ویزې غوښتنلیکونو یا بېړني حالتونو نورو اړخونو ته نه غځول کېږي. په هرصورت، د ګمارنې تصدیق په موثر ډول بشپړول کولی شي چې د غوښتنلیک په ټولیز اعتبار کې مرسته کوي، کوم چې ممکن د ویزې ملي مرکز (NVC) او COM پرېکړې باندې مثبته اغیزه وکړي.
غوښتنلیک ورکوونکي اړ دي چې د SIV غوښتنلیک پروسې کې د هر بل ګام لپاره معیاري پروسې او ګامونه تعقیب کړي او په بېړني حالت کې د اسنادو چمتو کولو لپاره د اړوندو چارواکو یا سازمانونو څخه مرسته وغواړي.
ما د دفاع وزارت لپاره کار کړی او د ربېټ پروژې (Project Rabbit) ته راجع شوی یم، زه څنګه د SIV لپاره غوښتنه وکړم؟
که تاسو د دفاع وزارت لپاره کار کړی او ربېټ پروژې ته راجع شوي یاست، د کډوالۍ ځانګړې ویزې (SIV) لپاره غوښتنه کولو لپاره دا مرحلې تعقیب کړئ:
- د امریکا له دولت سره د خپلې دندې اړوند ټول اسناد راټول کړئ. په دې کې د بشري سرچینو لیکونه او د سپارښتنې لیکونه، قراردادونه، د تادیې سند، د دندې د پېژندې کارت او نور هغه سندونه چې ستاسو کار تاییدوي شامل دي.
- ټول راټول شوي معلومات او اسناد د اړینو SIV اسنادو سره د AfghanSIVApplication@state.gov برېښنالیک ته واستوئ. په برېښنالیک کې په واضح ډول ووایاست چې تاسو ټول اړین اسناد نه لرئ او دا چې تاسو به د ربېټ پروژه کاروئ څو ستاسو د کار تایید ترسره شي.
- د ویزې ملي مرکز (NVC) به ستاسو د غوښتنلیک بیاکتنه وکړي. کېدی شي د دوی ځواب څو ورځې یا اونۍ وخت ونیسي. د ځواب وروسته، تاسو به د قضیې شمېره ترلاسه کړئ او تاسو به د ماموریت مشر غوښتنلیک پروسې لپاره د اړتیا وړ اضافي معلوماتو په اړه خبر شئ.
- دا مهمه ده په یاد ولرئ چې د ربېټ پروژې پروسه په ځانګړې توګه ډیزاین شوې څو له غوښتونکو سره مرسته وکړي چې د دفاع وزارت له لارې خپل کار تایید کړي.
که تاسو د نورو دولتي ادارو لکه USAID یا د بهرنیو چارو وزارت لپاره په قراردادونو یا دفترونو کې کار کړی وي دا پروسه تاسو سره مرسته نه کوي. په دې حالت کې له بده مرغه، په ربېټ پروژې (Project Rabbit) کې د ګډون لپاره د غوښتنی کومه لاره نشته.
د "وپوښتئ" له کارپوهانو څخه د مرستې غوښتنه
هغه افغانان چې ځانګړو معلوماتو ته اړتیا لري، د "وپوښتئ" د معلوماتو مرکز ستاسو په خدمت کې دی. تاسو کولی شئ په انلاین بڼه د معلوماتو ترلاسه کولو لپاره د وپوښتئ "وټساپ شمېرې"(93729807235+)، فېسبوک مسېنجر (Facebook Messenger) یا د وېبپاڼې د مسېنجر له لارې زموږ کارپوهانو سره اړیکه ونیسئ!
نور معلومات
هغه کسان چې په ټوله نړۍ کې د افغانانو لپاره د کډوالۍ، بیامېشتېدنې، ښوونیزو او لوړې زده کړې د پروګرامونو او د نورو بېلابېلو فرصتونو په اړه د لا ډېرو معلوماتو په لټه کې دي او همدارنګه په افغانستان کې له نړیوالو سازمانونو څخه د بشردوستانه خدمتونو د معلوماتو او دولتي ادارو څخه د مدني اسنادو د اخیستلو د پړاوونو د پوهېدو په لټه کې دي، د "وپوښتئ" وېبپاڼې او ټولنیزو رسنیو ته مراجعه وکړي:
✓ د وپوښتئ وېبپاڼه (www.beporsed.org)