دا لارښود په متحده ایالاتو کې د کډوالۍ وکیلانو او ملاتړو ادارو په اړه دی چې د متداولو پوښتنو یا په مکرر ډول پوښتل شويو پوښتنو (Frequently Asked Questions – FAQ) په بڼه ترتیب شوی دی. په دې لارښود کې موږ په متحده ایالاتو کې د کډوالۍ وکیلانو ملاتړو ادارو په اړه د هغو کسانو لپاره چې په دې برخه کې له ځینو پېچلتیاوو سره مخ دي، د لا وضاحت ورکولو په موخه شته پوښتنو او اندېښنو ته معلومات وړاندې شوي. د دې لارښود معلومات له بېلابېلو سرچینو څخه د "وپوښتئ" ټیم د درک په پایله کې لیکل شوي دي، په دې توګه دا لارښود د حقوقي مشورې په توګه په پام کې مه نیسي. دا لارښود د ۲۰۲۴ کال د فبرورۍ په ۵مه نېټه اپډېټ شوی دی. د قانوني لارښوونې او مشورې لپاره، موږ وړاندیز کوو چې تاسو له رسمي سرچینو سره مشوره وکړئ. په متحده ایالاتو کې افغان کډوال ځینې قانوني او کډوالۍ وکیلانو او همدارنګه د کډوالو یا بیامېشتېدنې ادارو لخوا وړیا چمتو شوي بېلابېل حقوقي خدمتونه ته لاسرسی لري.
نو په دې لارښود کې راځئ چې په متحده ایالاتو کې د کډوالۍ وکیلانو او ملاتړ ادارو پورې اړوند اساسي پوښتنې ځواب او د دې اړینو معلوماتو او ملاتړ په چمتو کولو سره به خلک د بیامېشتېدنې او کډوالی په سفر کې ځواکمن کړو.
ایا زه هرومرو باید په متحده ایالاتو کې د پناه غوښتنې لپاره یو وکیل ولرم؟
نه! په متحده ایالاتو کې د پناه غوښتنې په موده کې د وکیل درلودل اړین نه دي. خو بیا هم د پناه غوښتنې قانون پېچلتیا او د ناکامه غوښتنلیک د احتمالي پایلې له امله، د قانوني مرستې د ترلاسه کولو په کلکه سپارښتنه کېږي. د کډوالۍ تجربه لرونکی وکیل کولی شي د پناه غوښتنې د پروسې په اوږدو کې ارزښتناکه لارښونه وکړي او تاسو سره ستاسو د حقونو په پوهېدو، اړین شواهدو راټولولو او ستاسو د قضیې د ملاتړ لپاره د قناعت وړ بیان چمتو کولو کې مرسته وکړي.
د وکیل درلودل ستاسو د پناه غوښتنې د بریالي کېدو چانس د پام وړ کچې پورې زیاتوي. یو ماهر وکیل کولی شي پیچلي قانوني کړنلارې وڅېړي، احتمالي ستونزې وپېژني او د کډوالۍ چارواکو په وړاندې ستاسو په استازیتوب وکالت وکړي. برسېره پردې، قانوني استازیتوب کولی شي تاسو سره په اغېزمنه توګه ستاسو د پناه غوښتنې قضیه کې مرسته وکړي او په متحده ایالاتو کې د ستاسو د ملاتړ لاسته راوړلو امکانات زیات کړي.
د نامتو قانوني مرکزونو یا سازمانونو سره چې د کډوالۍ په قانون کې تخصص لري اړیکه نیول کولی شي د پناه غوښتونکو لپاره ارزښتناکه مرستې او سرچینې چمتو کړي. په داسې حال کې چې د وکیل درلودل لازمي نه دي، دا کولی شي د پناه غوښتنې قضي د بریاليتوب امکانات ډېر کړي. د وکیل سره په مشوره، تاسو کولی شئ د پناه غوښتنې اختیارونو په اړه ښه پوهه او خپل انفرادی شرایطو سره سم مسلکی لارښوونې ترلاسه کړئ.
څنګه یو وکیل پیدا کړم چې په متحده ایالاتو کې له ما سره مرسته وکړي؟
د کډوالۍ مسایلو، په ځانګړې توګه د پېچلې قضیو د څېړلو په وخت کې د قانوني استازیتوب چمتو کول خورا مهم دي. د کډوالۍ وکیلان د غوښتنلیک د ځیر او معیاد له لحاظه ډاډ ترلاسه کولو کې ارزښتناکه مرسته وړاندې کوي څو اسناد په سمه توګه وړاندې شي. که تاسو وکیل نه شئ نیولی نو ځیني سرچینې شتون لري چې تاسو سره د قانوني مرستې په موندلو کې مرسته وکړي.
یو انتخاب دا دی چې غیرانتفاعي سازمانونه وګورئ کوم چې اړو کسانو ته وړیا قانوني خدمات وړاندې کوي. تاسو کولی شئ د ورکړل شوي لینک له لارې د دې سازمانونو لېست ومومئ چې په انګلیسي ژبه د لاسرسي وړ دي. دا غیرانتفاعي سازمانونه د کډوالۍ ننګونو سره مخ خلکو ته قانوني مرستې چمتو کولو کې تخصص لري او د مالي خنډونو په پام کې نیولو پرته وړ قانوني مشورې ته لاسرسی تضمینوي.
د قانوني خوندیتوب بله لاره د افغان کډوالو لپاره د کډوالۍ خدماتو (ILSAA) پروګرام دی. دا نوښت په ټول هېواد کې وړ افغان کډوالو (EAAs) ته وړیا حقوقي خدمتونه وړاندې کوي، چې د متحده ایالاتو د قانوني کډوالۍ سېسټم پېچلتیاو ته د رسېدو سره مرسته کوي. وړ اشخاص کولی شي د ILSAA برنامې له لارې لارښود او قانوني وکالت څخه ګټه پورته کړي، د کډوالۍ مسایلو په موثره توګه حل کولو لپاره د دوی وړتیا لوړوي.
سربېره پردې، که تاسو د ویرجینیا په ایالت کې یا نږدې اوسېږئ، د ولیم او مری حقوفو ښوونځي د کډوالۍ مرکز (William & Mary Law School Immigration Clinic) ته مراجعه وکړئ. دا کلینیک ممکن ستاسو د ځانګړي قضیې سره سم مرسته وړاندې کړي او متخصص قانوني لارښود او ملاتړ چمتو کړي.
هغه افغانان او کورنۍ یې چې په متحده ایالاتو کې له قانوني ننګونو سره مخ دي، څنګه کولی شي د خپل کډوالۍ مسایلو په اړه مرسته ترلاسه کړي؟
هغه افغانان او کورنۍ یې چې په متحده ایالاتو کې له قانوني خنډونو سره مخ دي کولی شي د افغانو لپاره د کډوالۍ قانوني خدماتو (Immigration Legal Services for Afghan Arrivals – ILSAA) له لارې وړیا د کډوالۍ قانوني خدماتو ته لاسرسی ومومي. وکیلان او وقف شوي ټیمونه د شرایطو وړ افغانانو (Eligible Afghan Arrivals – EAAs) سره د کډوالۍ بېلابېل مسایلو کې مرسته کوي چې په هغه هېواد کې د دایمي استوګنې او یو باثباته ژوند رامنځته کولو لپاره اړین دي.
ILSAA د دایمي استوګنې لپاره د پیچلو د لپاره ملاتړ چمتو کوي، په شمول د کډوال حالت او د کډوالۍ ځانګړې ویزې (SIV) دریځ ترلاسه کول، د کورنۍ د بیایوځای کېدو اسانتیا او نور. د ILSAA تخصص او ژمنتیا سره، دوی موخه لري چې د کډوالۍ پروسې سره تړلې ګډوډۍ او ننګونې کمې کړي، د افغان اشخاصو او کورنیو ځواکمن کړي څو خپل قانوني حیثیت خوندي کړي او په متحده ایالاتو کې یو باثباته ژوند رامنځته کړي.
د ILSAA خدمات په ټولو هغو ژبو کې وړاندې کېږي چې په افغانستان کې په عام ډول کارول کېږي او په دري، پښتو او د سیمې نورو ژبو د لاسرسي وړ دی. که تاسو EAA یاست چې د کډوالۍ مرستې ته اړتیا لرئ، د هراړخیز او مهربان ملاتړ لپاره ILSAA سره اړیکه ونیسئ یا د https://ilsaa.acf.hhs.gov/ وېبپاڼې څخه لیدنه وکړئ.
زه څنګه کولی شم د افغان کډوالو لپاره د قانوني خدماتو(Immigration Services for Afghan Arrivals – ILSAA) څخه د کډوالۍ د خدماتو غوښتنه وکړم؟
د افغان کډوالو لپاره د کډوالۍ خدماتو (ILSAA) څخه د قانوني خدماتو غوښتنه کول یوه ساده پروسه لري چې د خلکو سره د کډوالۍ ننګونو ته د رسېدنی لپاره مرسته کوي. د غوښتنلیک پیل کولو لپاره، غوښتونکي کولی شي د وړیا شمېرې په ۱۸۳۳۲۸۶۰۸۶۴+ ته زنګ ووهي یا ILSAAinfo@icf.com ته برېښنالیک واستوي. په خپل برېښنالیک کې مهرباني وکړئ خپل نوم، د ټلیفون شمېره، لومړنۍ ژبه او همدارنګه د ژباړې کومې ځانګړې اړتیاوې چې تاسو یې لرئ شامل کړئ.
ستاسو د غوښتنلیک په ترلاسه کولو سره، د ILSAA ټیم غړی به تاسو ته سمدستي ځواب درکړي او تاسو سره به د قانوني خدماتو لپاره ستاسو د وړتیا وټاکلو کي مرسته وکړي. د وړتیا معیارونه ممکن د انفرادي شرایطو او د برنامې اړتیاو معیارونو پورې اړه ولري.
که چېرې وړ وموندل شئ، ILSAA به تاسو د یو وړ قانوني خدماتو چمتو کوونکي (Legal Service Provider – LSP) سره په اړیکه کړي څوک چې کولی شي ستاسو ځانګړي اړتیاوې پوره او مسلکي حقوقي مرستې چمتو کړي. هغه به ستاسو سره نږدې کار وکړي څو ستاسو د کډوالۍ په وضعیت پوه شي، قانوني مشوره درکړي او ستاسو د کډوالۍ مسایل په اغېزمنه توګه حل کولو لپاره د اړینو ګامونو له لارې تاسو ته لارښوونه وکړي.
د یادونې وړ ده چې د ILSAA خدمات وړیا دی او دا اداره ژمنه ده چې افغان کډوالو ته حساس کلتوري او ژبني خدمتونه چمتو کړي او ډاډ ترلاسه کړي چې د ژبې خنډونه مهم قانوني مرستې ته د لاسرسي مخه نه نیسي. له همدې امله، اشخاص هڅول کېږي چې د خپلې ژبې غوره توبونه او د ژباړې اړتیاوې مخکې له مخکې څرګندې کړي څو د پروسې په اوږدو کې بې سیمه اړیکه اسانه کړي. د نورو معلوماتو لپاره، مهرباني وکړئ د https://ilsaa.acf.hhs.gov وېبپاڼې څخه لیدنه وکړئ.
د کډوالو د مرستې نړیواله پروژه (IRAP) څه ډول مرستې چمتو کوي؟
د کډوالۍ نړیوالې مرستې پروژه (International Refugee Assistance Project - IRAP) د کډوالۍ په بېلابېلو پروسو کې ځینې کډوالو او بې ځایه شویو ته وړیا قانوني مرستې چمتو کوي، په شمول:
- د افغانستان او عراق لپاره د متحده ایالاتو د کډوالۍ ځانګړې ویزې (SIV) غوښتنلیکونو پورې اړوند مسلې چې د ماموریت مشر (Chief of Mission - COM) ته غوښتنلیکونه په کې شامل دي.
- په متحده ایالاتو او ځینو اروپایي هېوادونو کې د خپلوانو سره د کډوالو لپاره د کورنۍ د بیایوځای کېدو اسانتیا، کوم چې د کورنۍ د بیایوځای کېدو ځانګړي مرحلې او ډولونه پوښي.
- کډوالو ته د ملاتړ چمتو کول، په ځانګړې توګه د ملګرو ملتونو د کډوالو عالي کمیشنرۍ (UNHCR) پروسې په اړوندو هېوادونو کې.
- د متحده ایالاتو د کډوالو داخلې پروګرام (USRAP) کې د رد کېدو له امله د بیاکتنې لپاره د ځانګړو غوښتنو سره د بیاکتنې غوښتنې (Requests for Review – RFRs) لپاره مرسته کول.
- په متفرقه پروسو کې مرسته کول، لکه په متحده ایالاتو کې د پناه غوښتنې اسنادو لپاره د کډوالو غوښتنلیکونو ملاتړ.
- د کډوالۍ نړیوالې مرستې پروژه (IRAP) د وبسایت پته: https://support.iraplegalinfo.org/hc/en-us
IRAP هڅه کوي چې په دې پروسو کې د افرادو سره مرسته وکړي، خو هر فرد ته په هر حالت کې د مرستې تضمین نشي کولی. برسېره پردې، IRAP د مالی مرستې، د کار مرستې، د افرادو د اوسني دولت سره د معاملو یا د دوی د کاری ساحی څخه بهر غوښتنو ملاتړ نه کوي. هغه کسان چې په دې برخو کې د مرستې په لټه کې دي مشوره ورکول کېږي چې د کډوالۍ وکیلانو سره مشوره وکړي. IRAP په متحده ایالاتو کې د وړیا یا خصوصي د کډوالۍ قانوني خدماتو چمتو کوونکو د موندلو لپاره هم سرچینې چمتو کوي.
د "وپوښتئ" له کارپوهانو څخه د مرستې غوښتنه
هغه افغانان چې ځانګړو معلوماتو ته اړتیا لري، د "وپوښتئ" د معلوماتو مرکز ستاسو په خدمت کې دی. تاسو کولی شئ په انلاین بڼه د معلوماتو ترلاسه کولو لپاره د وپوښتئ "وټساپ شمېرې"(۹۳۷۲۹۸۰۷۲۳۵+)، فېسبوک مسېنجر (Facebook Messenger) یا د وېبپاڼې د مسېنجر له لارې زموږ کارپوهانو سره اړیکه ونیسئ!
نور معلومات
هغه کسان چې په ټوله نړۍ کې د افغانانو لپاره د کډوالۍ، بیامېشتېدنې، ښوونیزو او لوړې زده کړې د پروګرامونو او د نورو بېلابېلو فرصتونو په اړه د لا ډېرو معلوماتو په لټه کې دي او همدارنګه په افغانستان کې له نړیوالو سازمانونو څخه د بشردوستانه خدمتونو د معلوماتو او دولتي ادارو څخه د مدني اسنادو د اخیستلو د پړاوونو د پوهېدو په لټه کې دي، د "وپوښتئ" وېبپاڼې او ټولنیزو رسنیو ته مراجعه وکړي:
✓ د وپوښتئ وېبپاڼه (www.beporsed.org)